Plantun de Prouvènço

Pèr coumpara dos planto d'encò nostre

Arum italicum & Streptopus amplexifolius

Sangueiroun

Arum italicum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum d'Italie, Gouet d'Italie.

Descripcioun :
Lou sanguieroun es uno planto poulideto bèn couneigudo que trachis dins li relarg proche d'aigo. Se recounèis à si fueio sagitado, sa flour en espato e pièi à si fru roujo. Coume l'avié vist Lamarck (1778), en caufant e en largant d'oudour que pudisson, la flour vai veni de pichòti mousco (Psychoda) que la poulinison.

Usanço :
La planto caup d'alcalouïde, d'ossalate de caucion e mant'un pouisoun subretout li fueio e li fru. Pamens lou tubercule, riche en amidoun, es esta manja cue dóu tèms di carestié. Pèr acò, lou faire bèn couire e chanja l'aigo mant'un cop. Sarié vertuouso pèr li póumoun e contro li moureno e lou mau d'os (Turquìo).

Port : Erbo
Taio : 20 à 70 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 5 à 8 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à mai

Liò : Ribiero - Prado umido - Ermas
Estànci : Termoumediterran à Mesoumediterran
Couroulougi : Eurimediterrano
Ref. sc. : Arum italicum Mill., 1768

Cachet-de-Salamoun(-di-fueio-embrassanto)

Streptopus amplexifolius

Liliaceae

Noms en français : Sceau-de-Salomon noueux, Streptope à feuilles embrassantes.

Descripcioun :
Aquéu cachet-de-Salamoun dóu gènre Streptopus douno d'èr à l'erbo-de-la-roumpeduro. Pamens eici li tijo soun ramificado emé de fueio embrassanto. Li pichòti flour blanco, pourtado pèr un pecou torse, se vèson souto li fueio. Li fru soun roujo e noun pas blu coume li de l'erbo-de-la-roumpeduro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Streptopus
Famiho : Liliaceae

Ordre : Liliales

Coulour de la flour : Blanco
Petalo : 6
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 800 à 2300 m
Aparado : Noun
Jun à juliet

Liò : Rocas - Bos - Prado à rousèu
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Streptopus amplexifolius (L.) DC., 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum italicum & Streptopus amplexifolius

ges

Coumpara Sangueiroun emé uno autro planto

Coumpara Cachet-de-Salamoun(-di-fueio-embrassanto) emé uno autro planto